“Fan, ta’lim va amaliyot integratsiyasi” ilmiy-metodik jurnaliga maqola nashri uchun talablar

“Fan, ta’lim va amaliyot integratsiyasi” ilmiy-metodik jurnaliga maqola nashri uchun talablar

1. Maqolalar o‘zbek (lotin grafikasiga asoslangan o‘zbek alifbosida), rus va ingliz tillarida qabul qilinadi.

2. Maqolada muallifning ism-sharifi, ish joyi, pochta manzili va telefon raqami aniq keltirilgan bo‘lishi zarur.

3. Maqola tuzilmasi quyidagicha bo‘lishi lozim:

a) annotatsiya (o‘zbek, rus va ingliz tillarida);

b) tayanch so‘zlar (o‘zbek, rus va ingliz tillarida);

c) maqola matni har bir xatboshidan alohida ko‘rsatilgan tartibdagi

- kirish (Introduction),

- mavzuga oid adabiyotlarning tahlili (Literature review),

- tadqiqot metodologiyasi (Research Methodology),

- tahlil va natijalar (Analysis and results),

- xulosa va takliflar (Conclusion/Recommendations) kabi qismlardan iborat bo‘ladi.

4. Maqolaning imloviy savodxonligi va uslubiyatiga alohida e’tibor qaratiladi.

5. Yuqoridagi talablarga javob bermaydigan maqolalar nashr etilmaydi.

Tanlovingizning muhim jihatlari:

1. Jurnalning 1-sonida maqolalar mutlaqo bepul chop etiladi.

2. Maqolangiz birinchi nashrdanoq Google scholar (Google akademii) saytida indekslanadi va xalqaro miqyosda ko‘rinish beradi.

3. Maqolangizning iqtiboslanish ehtimoli oshadi.

Yo‘nalishlar

Jurnal quyidagi yo‘nalishlar bo‘yicha maqolalarni qabul qiladi:

1. Fan, ta’limda nazariya va amaliyot integratsiyasiga doir tadqiqotlar.

2. Umumiy pedagogika, pedagogika va ta’lim tarixi.

3. Ta’lim va tarbiya nazariyasi va metodikasi.

4. Umumiy psixologiya, shaxs psixologiyasi, psixologiya tarixi.

5. Fan va ta’limda kognitiv tadqiqotlar.

6. Pedagogika va amaliy psixologiyaning boshqa yo‘nalishlari.

7. Gumanitar fanlar.

8. Ijtimoiy soha, iqtisod va huquq.

9. Matematika, fizika va aniq fanlar.

10. Filologiya va tillarni o‘qitish.

11. Biologiya va tabiiy fanlar.

12. San’at va madaniyatga oid fanlar.

13. Ishlab chiqarish va texnik soha fanlari.

14. Qishloq va suv xo‘jaligiga oid fanlar.